Bus story No.001
Kung madalas kayong bumyahe along EDSA eh malamang nakasakay na kayo ng mga Boxtype Buses na pumapasada via Fairview to MIA Rd. route, eto yung parang provincial buses na malalaki at di hamak na mas bago kesa sa mga buses na nanggaling sa Japan. Maganda ang ganitong buses, comfortable ang seats, functioning ang aircon, at higit sa lahat may DVD! Nauso na nga ang paglalagay ng DVD sa mga buses, affordable na kasi ang mga DVD player lalo na yung mga galling sa China at marami na ring pirated DVDs na nagkalat kung saan saan.
Kung suswertehin ka, bagong movie ang pinalalabas nila, gaya nung last time, palabas ang “Hancock” ni Will Smith, swerte dahil hindi ko napanood sa sine to (dahil pangit yung review) pero sa kagaya kong maikli lang ang byahe mabibitin lang ako kaya hindi ko na rin pinanood, hindi mo na nasimulan hindi mo pa matatapos, paano ka pa gagawa ng reaction paper nyan. Pero ok pa rin yun, dahil minsan pag minalas ka malamang ang pinalalabas nila eh yung mga Jeric Raval at Ronnie Rickets movie marathon, o kaya yung Juday movies, buti sana kung Piolo and Juday eh kaso Jinggoy and Juday wahahahaha. Sa mga ganitong sitwasyon mo mapagtatanto na importante talaga ang mp3 music player sa buhay ng tao.
Minsan pauwi na-swertehan ko na hindi pelikula ang palabas kundi compilation ng mga concerts ng iba’t ibang banda kaya medyo ok, naabutan ko ang The Doors na tumutugtog ng syempre ano pe edi “Light My Fire” ok na ok halatang sabog si Jim Morrison habang nakanta hehe, kasunod nun eh matindi rin “Bohemian Rhapsody” ng Queen dun ko na napansin na puro 60’s/70’s band ang compilation matindi ang live version ng Queen, hindi halatang bading si Freddie Mercury, then after that “Stairway to Heaven” ng Led Zep, mukhang hindi ko na kailangan ng mp3 player ko, yun ang akala ko, dahil after ng Led Zep eh tanamits “Patience” ng Guns n’ Roses! Ok naman ang Guns actually meron nga akong ‘Use Your Illusion 1 and 2’ kaso yung choice of song ang problema kasi after ng heavy numbers eh biglang nag mellow, sana man lang “Welcome to the Jungle” or “Civil War” yung sinama nila sa compilation at eto pa, after ng Guns eh Harem Scarem, dito na ko nagdecide na hugutin na sa bag ko ang player ko, yun na lang ang papakinggan ko.
Kung sino man yung nag-compile ng DVD na yun halatang after lang sa profit dahil walang ka-sense sense of time and era at walang musicality dahil di man lang na-categorize yung music na isasama at yung 70’s at 90’s band pinaghalo pa. Yun ang isa sa mga down side ng pirated DVDs, sabagay for P50 hindi na kailangan pang magreklamo, sino ba naman me sabing panoorin ko yun? Pag ganito ang naabutan mo talaga sa bus eh tama si pareng Axl, ‘all we need is just a little patience.’
Comments
Post a Comment