Kagabi naranasan ko ang isa sa pinaka-mahabang byahe sa buhay ko, hindi dahil sa malayo ang nilakbay ko kundi dahil sa sobrang haba ng trapik mula opisina hanggang sa bahay. Halos dalawang oras ang byahe pauwi, ganito palagi pag umuulan, walang pagbabago, napasulat tuloy ako ng entry hehe... habang nasa bus kasi nagiisip ako ng mga maaring gawin na pwede kong paglibangan pero imbes na gawin ko, sinulat ko na lang, baka sakaling makatulong sa mga tao kung sakaling mapunta sila sa parehong sitwasyon na naranasan ko.
Mga ilang suggestion lang ito, mahirap din naman kasi na wala kang ginagawa sa loob ng humigit-kumulang dalawang oras sa loob ng bus. Narito ang ilang suggestions na pwede nyong subukan...
Suggestion No. 1 - Tulog
Syempre ang pinaka da best na gawin sa loob ng bus habang trapik eh matulog! Automatic naman yan kahit kaninong tao, wag mo lang dadantayan o kaya yayakapin yung katabi mo lalo na kung hindi mo sya kilala.
Suggestion No. 2 - Celfone
Kung magising ka sa pagkakatulog at trapik pa rin, kapain muna ang bulsa baka nasalisihan ka na, kapain ang pitaka at ang celfone. Kung nasa iyo pa ang celfone mo maswerte ka. Kuhanin ang celfone, kung naka-Sun network ka tawagan ang pinaka malapit na kaibigan na naka-Sun din at makipagkwentuhan sa kanya, simulan nyo ang kwentuhan sa kung paano kayo nagkakilala para medyo mahaba-haba ang usapan.
Kung hindi ka naka-Sun ang corny mo, hindi mo ba alam na uso ngayon ang dalawa ang sim? Anyway mag all text 20 ka na lang (or any equal service sa ibang network) at mag forward ng jokes sa mga kaibigan. Kung walang nagreply na kaibigan, dalawa lang ang ibig sabihin nun, hindi ka nila kaibigan o kaya super corny ang jokes mo.
Pwede ka ring magforward ng magforward ng walang kwentang quotes sa iyong kaaway. Eto na ang tamang oras para mang-istorbo ka. Kung mag reply yung kaaway mo at murahin ka, hayaan mo na lang, ipagdasal mo na lang na sana masunog sa dagat-dagatang apoy ang kanyang kaluluwa.
Maari ka ring magimbento ng text tapos i-send mo sa long time crush mo, pag-nagreply sya na hindi nya naintindihan yung text mo, mag-sorry at sabihing na wrong send ka lang, ito na ang simula ng inyong text conversation samantalahin mo na, pero kung hindi sya nagreply ibig sabihin wala talaga syang interest sa iyo, move on!
Suggestion No. 3 - Games
Since hawak mo na ang celfone mo, pwede kang maglaro ng mga downloaded games dito para pampalipas ng oras. Kung wala kang downloaded games, laruin mo na lang yung built-in games sa celfone mo tapos magpanggap ka na nageenjoy ka dito.
Kung may dalang PSP or Nintendo DS mas mainam na ito na lang ang laruin mo, wag mo na lang isasama yung katawan mo pag tumatalon/bumabaril/tumatambling/shumushoot yung character sa game para di nakakaistorbo sa katabi mo.
Kung wala ka namang PSP o kaya Nintendo DS eh hindi ko na problema yun.
Suggestion No. 4 - Magbasa
Kung mayroon kang dalang libro basahin mo na lang ito bilang pampalipas ng oras, mas maganda kung "World Almanac" ang dala-dala mo para mahaba-haba ang iyong babasahin.
Kung ang dala mo namang libro ay nabasa mo na, lokohin mo na lang ang sarili mo at magpanggap na hindi mo pa ito nababasa at basahin muli mula sa umpisa. Sa susunod wag kang magdadala ng librong nabasa mo na, para kasing tanga lang.
Suggestion No. 5 - Mag-gupit ng kuko
Kung may dalang nailcutter maaari mong gawing pampalipas ng oras ang paggupit ng kuko sa kamay at sa paa. Maari ka ring mag service sa iba pang pasahero sa murang halaga lang.
Kung walang dalang nailcutter tanungin mo yung katabi mo kung may nailcutter sya, kung meron at pinahiram ka, mabait yung katabi mo, samantalahin mo na, humingi ka na rin ng pagkain at maiinom baka sakaling meron.
Kung walang nailcutter yung katabi mo tanungin mo kung meron syang PSP o Nintendo DS, kung wala pa rin, pabasa mo na lang yung librong nabasa mo na at magbigay sa kanya ng quiz matapos nyang basahin.
Suggestion No. 6 - Friendly seatmate
Since pinahiram mo naman ng libro yung seatmate mo, makipagkilala na rin sa kanya. I-kwento mo yung life story mo sa kanya at ipakwento mo rin yung life story nya sayo. Kung boring syang kausap mag-isip ng games na maaari nyong laruing dalawa gaya ng tug-of-war, pitik bulag, poker (assuming na may dala syang baraha) o kaya full contact martial arts or any game na maglilibang sa inyo. Kung ayaw nyang makipag-close sa iyo, titigan mo ng masama at wag mo nang kausapin kahit kelan, ayaw nya talaga sayo wag kang manhid.
Narito ang ilan pang suggestions na maaring gawin...
- bilangin ang guhit sa palad mo
- bilangin ang guhit sa palad ng kundoktor
- pabilang sa mga kaibigan ang guhit nila sa palad at pa-text sa iyo.
- i-total lahat ng guhit sa palad na nabilang
- bilangin kung ilan beses humikab ang katabi sa loob ng isang minuto
- bilangin kung ilang beses mag mura yung driver ng bus na sinasakyan mo
- bilangin kung ilang "tsk" ang madidinig sa loob ng bus
- bilangin kung ilang buntong-hininga ang madidinig sa bus
- itotal lahat ng binilang
- i-multiply ang total ng mga nabilang sa oras na naaksaya dahil sa trapik
- yung total yun yung bilang ng sheep na bibilangin mo para makatulog uli.
very nice po Sir... been there done that! lately sobrang traffic pauwi ng south... longest travel ko po 3 hours last Wednesday (Makati to Cavite) usually it takes 45 minutes lang. I'll take note of your suggestions! Funny yet helpful... :)
ReplyDeletewow 3 hours? swerte pa pala ako 2hours lang! tnx tnx! : D
ReplyDeleteako nakaranas ng 4 hours kuya rick, haha, all in the name of love :P
ReplyDeleteayun, sa super inip, nag-ipod na lan ako. that was a rainy afternoon, down south, accompanied by Simon and Garfunkel :)
hay rick...2am na ako naka-uwi last friday. wala ako psp, libro, nail cutter, wala rin ako katabing iba kung hindi my hubby...di rin pwede matulog, low bat na cell ko...other tips?
ReplyDeletehay what you won't do for love : P
ReplyDeleteuhhhmm try mong kalasin yung car stereo nyo then ibalik mo uli... : ))
ReplyDeletekuya rick, in this instance pwede ding mag-moment pag traffic, hahah
ReplyDeleteMadalas pag di chicks katabi ko sa bus at trapik eh tulog lang ko. Pag chicks katabi syempre self-concious ako kaya sinasabayan ko nalang yung pag inhale-exhale niya para synchronized kaming huminga.
ReplyDeletemahaba habang moment yun hehe
ReplyDeleteoo tapos ttry mong langhapin yung pabango nya hehe...
ReplyDeleteayus.hehehhe!heto dagdag na tip:magdeclare ka ng hold-up sa loob ng bus.pag nahuli ka, sabihin mo performance art lang yun.hehehehhe.
ReplyDeletetma po lahat ng cnb nyo..ilang bses n ngya2ri skn un kc traffic sa cavite,mnsan more than 3 hours pa..hehe
ReplyDeletemy sun po pla kau?blta q sir,lumipat n dw kau ng offce?san po?wla n po ung sa makati?
haha wala akong sun cel... jologs din ako eh... nope na abort yung paglipat namin so we are still here sa makati...
ReplyDeleteangkulet naman neto. tawa ako ng tawa.hihi
ReplyDeleteei thanks for dropping by!
ReplyDeletekwela mga blogs nuio ser, galeng :D
ReplyDelete