What is Irony?

Hanggang ngayon di ako makapaniwala, pinipilahan pa rin ang bigas ngayon. Parang sinasadya na. Me ID system pa. Me nagsuggest na pwedeng alternatibo ang pagkain ng kamote sa pagkain ng kanin, c’mon, naman eh kung lahat tayo kakain ng kamote imbes na kanin, mantakin mo na lang ang mapo-produce nating masamang hangin araw-araw, baka makadag-dag pa tayo sa global warming, wag na please lang.   Sabi ng kaibigan kong babae sa Dubai (itago na lang natin sya sa pangalang Jennifer Pangilinan, o mas kilala sa tawag na Bogart), “magkano na bigas dyan?” sabi ko “around P32 yung regular, yung NFA P18 ata, sa McDo P8 ang single rice, pag umorder ka ng half rice P8 pa rin… sa Max…” , sabay singit sya ng ”tama na, por kilo lang yung  tinatanong ko!”, sabi ko “Bakit mo tinatanong?” sabi nya “mahal na rin kasi ang bigas dito sa Dubai.”   Nabasa ko nga sa newspaper na me-kinalaman daw ang Pilipinas sa pag-taas ng bigas sa world market… so tayo na naman… parang yung comment ni Terry Hatcher tungkol sa medical malpractice ng mga pinoy doctors… sikat na talaga tayo.   Naalala ko tuloy yung kwento tungkol sa magsasaka ng palay na naghihikahos sa buhay dahil 12 ang anak nya. Ugali kasi ng mga nasa probinsyang magsasaka na mag-anak ng madami dahil (1) di naman sila nakaka-attend ng ‘family planning seminars’, (2) gusto nila ng madaming anak, lalo na lalaki, para may makatulong sila sa pagbubukid at (3) wala lang hobby lang nila. Sa pagsasaka lang ng palay o bigas sila umaasa, ngayon nahihirapan silang pakainin lahat ng anak nila dahil MAHAL ANG BIGAS!... haaaaaay the irony.