Pahingi po ng konting tulong...

Itong mga nakaraang araw eh namomroblema ako kaya naisipan kong humingi na ng tulong sa kung sino man sa inyo ang may mabuting kalooban. Imagine nyo yung isang taong grasa na gusgusin, short lang ang suot na tinalian lang ng retasong tela para di malaglag, nanlilimahid sa dumi, buto’t balat na lang, gulu-gulo ang buhok, mabaho, may hila-hilang sako ng basura, pa-gala-gala sa lansangan, nagbubungkal ng basura, pag may nakitang tira-tirang pagkain eh kakainin naman kahit marumi at paminsan minsan nanghihingi sa iyo ng limos… na imagine nyo na ba? Hindi naman ako ganon, naisip ko lang. Ang galling ng imahinasyon nyo.

Na-encounter nyo na ba yung, pag nag-post kayo dito sa multiply eh hindi naga-appear yung pinost nyo? Particularly yung blog. Ilang beses akong nag post ng blog entry nung Monday pero title lang yung nag-appear at pag-click mo sa link eh may nakalagay lang na ‘This blog does not exist’. Bad trip di ba? Sabi ng maid namin hayaan ko lang muna daw yun baka naguupdate lang daw yung multiply sa main server nila. Kinabukasan nag try nga uli ako, ayun gumana na nga, tama ang maid namin, kaya naman laking tuwa ko, akala ko eh ayos na ang lahat, but wait! there’s more! Ok na nga ang pagpo-post kaya lang naka-publish pa rin yung mga nauna kong post na wala namang laman, ‘broken links’ ba tawag dun? Naka publish pa rin sila.

 

Ang unang gagawin ng taong nasa tamang pagiisip eh i-report agad ang mga ganitong problema sa ‘customer service’ ng multiply, pero di ko agad yun ginawa kasi wala ako sa tamang pag-iisip nun, nag tanong-tanong muna ko sa mga kakilala ko na magaling sa intarnets, pero lahat ng pinagawa nila, pati yung pagtatapal ng nginuyang dahon ng bayabas sa monitor eh wa epek pa rin. Try ko daw i-delete sa ‘Media Locker’ sabi ng isang concerned citizen, pero wala talaga, ayaw ma-delete! Nandun pa rin sila, nakakahiya naman sa dalawa kong mambabasa kung i-click nila yun at wala namang laman. Paking tape talaga, panira ng site. Para silang pimple na di makuha sa paga-astringent, para silang germs sa singit singit ng tiles na di na maalis ng kahit anong cleanser, para silang mantsa ng mens sa maong na ayaw matanggal kahit ilang beses labhan, para silang trapo na hindi matinag-tinag sa gobyerno, nasabi ko ba sa inyo na mahilig ako sa methapor?

 

Ngayon lang ako naka-encounter ng ganitong problema sa dalawang taon kong pangungupahan dito sa multiply at hindi ito abot ng aking kakayahan kahit na eksperto ako sa Galaga*, limitado rin kasi ang kapasidad ko pag-dating sa intarnets. Kaya baka may mga taong nagbabasa dyan na may kakayahang gumamot ng iba’t ibang uri ng karamdaman habang sumasideline sa pagiging IT o kung kayo ay may taglay na kapangyarihan at natatagong talento pagdating sa pagkumpuni ng mga bagay bagay sa intarnets… pahingi po ng konting tulong.

 

Kung hindi nyo alam, ang Galaga ay shooter arcade game na sequel ng Galaxian na sumikat nung early 80’s.