Haaak chooo!

Na inspire lang akong sumulat ng blog tungkol sa ‘dura’ dahil sa comment sa previous blog entry ko galing ke Sir Ron, nope not Dura di Iksplurir, nyek korni ahehehe ito yung pagpapalabas ng laway mula sa bibig gamit ang matinding pwersa, actually me punto naman si Sir Ron about ‘dura’ or ‘spit’ kung sosyalin ka.

Naalala ko yung joke kung saan merong dalawang lalaking nagsusuntukan ng halos isang oras na, kaya nung napagod eh nagduraan na lang, ganun ka lethal ang dura para sa tao, pwedeng gawing armas pangkarahasan (parang shaider), makakaranas ka nito sa mga batang pulubi sa Quiapo na daig pa ang mga siga kung mangikil, pag humingi sila sa iyo dapat bigyan mo sila agad kung ayaw mong maduraan. Maihahalintulad nga ang dura sa pag-utot, pag-singa at pag-tae, at isa ito sa mga iniiwasang maapakan sa daan. Nakakainsulto pag dinuraan ka ng kapwa mo at degrading din ang dating di ba, bawas pogi points naman at turn-off kung makikita ka ng crush mo na nadura kung saan-saan, ganun ang tingin ng tao sa pag dura, sabi nga ng mga kolehiyala, eeeewww. 

Merong mga taong talented ata sa pag dura, yung tipong nag-aral ng physics of trajectory at laws of gravity sa tindi at very calculated na pag dura, tanchado nila kung saan papa-tamain ang dura na kalimitang me perfect projectile. Ako kasi hindi ako marunong dumura ng long range, usually sumasabit sa lower lip ko kaya ang siste eh naduduraan ko ang sarili ko which is kung makikita ako ng ibang tao eh nakakahiya, kaya iniiwasan ko ang dumura.

Ngayon ko nga lang nalaman na sa Singapore pala pag nahuli ka ng street cam na na-dura kung saan saan eh pwede kang makulong ng tatlong (3) araw at may multa pa ata, dito sa atin malabong ma-ipatupad yan, sa liit ng mga kulungan natin, na halos magkapalit-palit na ng mukha at kili kili ang mga preso sa sikip, saan pa ipupwesto ang mga mahuhuli? Unless gumawa ang MMDA ng another compound para sa mga offenders, which is isa pang malabong mangyari. Siguro pwedeng ipatupad as violation ang pag-dura pero iba ang penalty siguro 1^st offense: community service ng 3 days sa Payatas; 2^nd offense: 1 week good moral and right conduct seminar ke Madam Auring; 3^rd offense: Ikukulong sa isang kwarto lahat ng mahuhuli at pwersahang panonoorin ng That’s Entertainment re-runs, ewan ko na lang kung hindi pa sila mag tanda nun, baka me iba pa kayong suggestions? Iniisip ko rin kung paano ma-momonitor ang mga offenders dahil wala naman tayong budget para sa mga street cams, dahil yung annual budget ng gobyerno natin eh nakalaan na para sa 2010 election campaign nila.

Moving on…

Naalala ko uli nung bata pa ako (twinkle, twinkle, twinkle) mga 9 years old ako nun nung mapilayan ako sa pag lalaro ng holen, oo hari ako ng sablay nun (actually hanggang ngayon) natapakan ko yung holen at nung pag bagsak ko eh napa-tukod ko ang kanang kamay ko kaya napilayan, buhay pa si lola nun kaya pag kakita sa akin eh dali-dali nya akong dinala sa isang tropa nya na isang manghihilot, mukhang matagal na nyang kilala yung manghihilot kaya pinagkatiwala nya ako dun, hinihintay ko nga silang mag-fraternity handshake pero wala namang ganung pangyayaring naganap. Matapos tingnan (ng masama) yung kamay ko eh dinasalan na nya iyon sabay pahid ng coconut oil sabay hilot, akala ko yun lang pero biglang dumura sa mga kamay nya at saka hinilot paulit ulit sa kamay ko, dura, hilot, dura, hilot, dura, hilot paulit ulit halos maiyak na ako sa eksenang ganun at napaisip na mas mabuti pa sigurong pina-opera ko na lang ang kamay ko kesa sa ganung pamamaraan. Bandang huli eh ngumuya sya ng, dahon ata ng aratiles yun, basta dahon at biglang dinura direkta sa kamay ko sabay balot ng puting tela na amoy ihi ng pusa. Medyo nakahinga na rin ako ng maluwag nun ng bigla nyang sinabi sa lola ko na wag ko daw babasain ng tatlong araw, WTF! tatlong araw mananatili sa kamay ko yung laway nya, naisip kong wala namang therapeutic claim yung laway nya kaya desidido akong tanggalin yun at hugasan pag-dating sa amin, kaya ganun nga ang ginawa ko hinugasan ko rin pag dating sa bahay, binalot ko na lang ng puting tela uli yung kamay ko para hindi mahalata ni lola na tinanggal ko na ang benda.

Isa yata yun sa mga di malilimutang tagpo sa aking buhay na muntik ko nang malimutan, sa sobrang memorable nun pwede ko na siguro syang isulat kay ate Charo para sa ‘Maala Ala Mo Kaya’.

So much for ‘dura’ tama na nga, nadidiri na ko, yaaaak.

Haaaaaak choo!