Brrrrrr

"The tail-end of a cold front are affecting Visayas and Mindanao while northeast monsoon is affecting Luzon. "

Yung malamig na hangin eh dulot daw ng tail-end of a cold front na nakakaapekto sa bansa natin.  Alam ko nabasa nyo na sa taas, inulit ko lang para kunyari matalino ako. Pero yan ay ayon sa PAGASA, oo paminsan minsan tumatama din  ang wheather forecast nila, yung malamig na hangin mula Siberia and China na tinatangay papunta dito sa atin ang dahilan ng lamig na nararanasan natin sa ngayon. Alam nyo bang mula nung 1961 eh ngayon lang daw uli tayo nakaranas ng ganitong uri ng lamig? Ako ngayon ko lang nalaman eh, at narinig ko pa sa driver ng jeep na sinakyan ko, na narinig daw nya sa kaibigan nya na narinig naman daw kay Kuya Kim.

Para sa isang tropical country nga naman gaya ng Pilipinas eh hindi pangkaraniwan ang ganitong lamig, yung mga makakapal ang balat na sunog baga sa amin madalas ko nang makitang me saplot sa katawan at bihira ko na makita yung  naglalakihang tyan nila na nakalabas, senyales na malamig talaga dahil hindi na nila carry yung ginaw. Yung ganitong uri din ng panahon ang gustong gusto ng mga goons at action star sa pelikulang Pilipino dahil me dahilan na sila para suotin ang kanilang leather jacket. Sa kaso ko na nga lang eh pinapagalitan na ko ng katulong namin dahil puro jacket daw ang nilalabhan nya, ang hirap pa naman daw labhan nun, nakayuko akong humingi ng pasensya at nangatwirang malamig talaga ang panahon kaya kailangan kong magsuot ng jacket, mukhang ok naman sa katulong namin yung reason ko at padabog na binato ang mga jacket sa washing machine, ambait talaga nya, mapagpatawad.

Sa lamig ngayon, tiyak na lalakas din ang konsumo natin at magiging mabenta ang mga bagay tulad ng Gin at iba pang alcohol na ginagawang pampainit ng katawan at ng ulo, kaya wag na kayong magtaka kung maraming rambulang magaganap sa buwan na to. Kasabay na rin dyan ang yosi, mukhang alam nyo na na sasabihin kong dadami rin ang me cancer di ba? Pero di ko na sasabihin, pinangunahan nyo na ko eh. Ang coffee/hot choco/tsaa, number one na panlaban sa lamig day-in and day-out o kaya lugaw/Pares/Mami, dahil aside from coffee ang mga pagkaing me mainit na sabaw ang perfect sa ganitong panahon. Syempre lalakas din ang kunsumo ng LPG dahil sa pagpapainit ng tubig at pagluluto ng mga pagkaing pamatid ginaw. Mabentang mabenta din ngayon ang mga sweater/jacket o sa tagalog nga eh pang-ginaw (meron bang pang-init?), lalo na ngayon na usong-uso yung hooded sweater na may iba ibang iconic designs na pinauso ng mga so called 'emo' people, pero come to think of it, kahit di naman tag-lamig lagi naman silang naka hooded sweater, what are they thingking? Wala na silang pinagkaiba sa mga goons at action star natin na nabanggit ko sa taas. Oh well ilan lang ang mga nabanggit ko sa mga bagay na malamang bumenta ngayong tag-lamig.

Kung me mabenta tyak na merong matumal naman ang bentahan, pros and cons nga naman ng tag-lamig. Gaya ng mga ice cream shops at samalamig, at katangahan na lang pag maisipan mong magbenta ng halu-halo sa panahong ito. Pati yung mga nagpupunta ng Baguio at Tagaytay medyo nabawasan din ayon sa balita, kaadikan na rin pag naisipan mong mamasyal sa Snow World ng Star City, sabagay kanya kanyang trip lang yan. Lahat siguro ng uri ng produkto o serbisyo na may kinalaman sa lamig eh matumal ang kalakaran ngayon.

Malamang din sa alamang pag sapit ng September at October lolobo nanaman ang populasyon ng bansa natin, wag nyo nang itanong sa akin kung bakit, bilangin nyo na lang yung 9 months pabalik, alam nyo naman siguro kung anong ibig kong sabihin, malalaki na kayo. Sa ganitong panahon kasi mahirap i-implement sa sarili ang abstinence, kaya nga maraming namumulo't pukyutan sa Baguio eh dahil malamig, sa lamig kasi ngayon tipong magka-untugan lang kayo ng hinlalaki sa paa ng partner for life mo  eh meron agad magaganap na wrestlemania wink wink.

At sa mga ganitong pagkakataon at panahon nga susubukin ang katatagan at tibay  ng loob ng bawat Pilipino para harapin at sabihin sa sariling "kaya ko to! At buo ang loob kong patutunayan sa aking sarili na kaya ko! Kaya kong gumising sa madaling araw at maligo!"

brrrrrr