Banila ays ays bebe...

So sya pala yon… medyo late ko na nalaman (super late?), at aksidente pa mula sa isang multiply user na nagview ng site ko na viniew ko rin ang site nya dahi viniew nya yung site ko kaya viniew ko rin yung site nya na… tama na para na kong tanga…

Ang tinutukoy ko eh si Pablo Banila oo tama si Pablo Banila, kung kaano-ano nya si Banila Ice eh hindi ko alam at hindi ko rin alam kung bakit ako nagbibitiw ng ganitong mga superdupertothemax corny jokes. Ilang blog din ang nasilip ko na ang laman ay tungkol kay Pablo Banila, maraming nahiwagaan sa kanya pati ako, at malamang ay isa kayo sa mga nabisita nya, may nagsasabing isa syang ‘cyber stalker’ meron namang nagsa-sabi na isa syang ‘psycho’ at meron ding chismis na isa lang syang ‘student’ na gumagawa ng research online at ang pinaka nakakatakot at kahindik hindik sa lahat eh isa daw syang pakawala ng gobyerno! Meron pa bang mas nakakatakot dun? Ilang beses din syang bumisita sa multiply site ko pero pag click ko sa multiply site nya eh wala naman syang account kaya nagtaka ako, pero hindi naman ako nabahala dahil hindi naman ako yung tipo ng tao na nawiwindang sa ganitong mga pangyayari, as long as hindi maaapektuhan ang personal na buhay ng aso namin oks ako. Kaya natatawa ako sa ibang nag-over react kay Pablo, I can’t believe that these people gave Pablo their piece of attention in turn making him famous over the net and I can’t believe that now I’m one of them, And I can’t believe I’m talking in English!

“Yes, Pablo Banila has a crush on you hahahaha! That’s why he viewed your homepage, cute nun!” eto yung lumalabas sa avatar ni Pablo Banila pag nagview sya ng site mo, GIF animation ata yun, pero wag ka nang umasa na may link ito dahil walang active account sa multiply na mag-aappear. Ayon sa “Detailed Viewing History” ng multiply ko eh last Oct 25 nya last naview ang homepage ko, sa inyo kalian? At ngayon ayon na rin sa Inquirer.net, (oo na dyaryo pa sya), isa pala syang programmer na gumagamit ng tinatawag na ‘bots’ para mabisita ang iba’t ibang website, hindi sya mismo ang bumibisita sa inyo kundi ang kawan ng kanyang mga ‘bots’ thru a program na tinatawag nilang ‘Solitaire’ ehehehe joke lang ‘Web Crawler’ daw tawag dun, so ayun, wala naman pala talagang dapat ikabahala ang madlang pipol, harmless naman pala sya, well atleast for now. Ayoko na rin syang pagukulan ng panahon kahit na alam kong nasayangan na ako ng isang espasyo ng blog pero feeling ko dapat maisulat ko ito dahil nauubusan na ako ng topic… halata ba? O sya tatapusin ko na to bago pa ko makapagbitiw ng superdupertothemax corny punchline.

Para sa dagdag na kaalaman mag Memo Gold sabi ni Kuya Kim at bisitahin nyo to You For the Interactive Youth.

Ang salarin