I think therefore I am : Random Ramblings

Madalas akong mapuyat nitong mga nakaraang araw dahil pagka-galing sa opisina, nagpipinta pa ako then after nun e naglalaan pa ko ng tatlong oras sa Grand Teft Auto (PSP), naisip ko lang, kung sa isang araw eh tatlong oras ginugugol ko sa paglalaro ng PSP, sa isang linggo eh 21hrs o kulang-kulang isang araw ang nakukunsumo ko sa pagp-PSP lang, sa isang buwan 90 oras o 3 3/4 araw, at sa isang taon 1,080hrs o almost 45 days, 1 month and a half halos ang nasasayang ko sa pagp-PSP lang, which leads me into a conclusion… na para magkaroon ako ng Weapon Set 2 eh kailangan ko lang pindutin ang: up, O, O, down, left O, O, at right buttons at whoola! may Set 2 weapons na ko… ang galing!

**

Naisip ko lang, pag nagbebenta ka diba mas mayroong re-sale value yung mga hindi gaanong nagagamit? Slightly used kumbaga. So naisip ko, na kung ibebenta pala yung mga ‘utak’ nung mga local gov. engineers ng Las Piñas, na may pakana ng pagbaha sa amin, eh mahal pala! Bakit ka nyo? Bihira din kasi nilang gamitin. Slightly used nga kumbaga.

**

Nag-open na uli ang PBA All Filipino Cup, at pag may PBA syempre hindi mawawala ang pa-ending, kailan lang eh pinataya ako ng isang katropahan sa amin, P10 lang at tatama ka ng P700, not bad. Sa 100 number combination kung tataya ako ng 2 combination mayroon akong 2% chance na manalo, masyadong maliit yung chance na yun, pero kung tatayaan ko lahat ng 100 number combination eh 100% sigurado ang panalo ko! So kung P10 ang isa bale P1,000 ang itataya ko dapat, gagasatos ako ng P1,000 para manalo P700… isa akong henyo!

**

Life is a matter of choice ang sabi nga di ba, lahat talaga ng gagawin mo kailangan pag-isipan, dahil lahat ng choice mo will lead to another circumstances, at ang ikaka-ganda at ikaka-pangit ng araw mo eh depende sa kung anong mga bagay ang pinili at sinang-ayunan mo… huli na ng malaman kong kaya pala mas mahal ang Joy bathroom tissue kesa sa SM Bonus eh dahil sa double ply pala ang Joy at one ply lang ang SM Bonus bathroom tissue… sana pwedeng maibalik ang nakaraan…

**

Alam nyo ba na kasama sa Top 5 Cancer causing food ang french fries at processed meats gaya ng burgers dahil mataas daw ang sodium nitrate nito at ang saturated fat eh nakakadagdag sa pagkakaroon ng cancer. ang french fries din ay may halong cancer causing acryl amides na lumalabas during frying process, nakakatakot di ba? Pero alam nyo rin ba na P25 lang ang idadagdag nyo sa regular burger meal at magiging large na ang regular fries nyo at ang regular drinks nyo eh magiging float na… mura na busog ka pa!

**

Nakakatuwang bumaba na uli ang pamasahe sa bus, yung dating P12 from Baclaran to Mantrade sa aircon bus eh naging P11 na lang, pero yung isang aircon bus na nasakyan ko P12 pa rin ang sinisingil, so syempre natural na mag tanong ako kay manong kunduktor, so pagkatanong ko, todo paliwanag naman sya ng mala-litanyang paliwanag, na kesyo wala pa raw utos sa kanila ang operator nila blah blah blah blah blah blah… ang haba ng paliwanag nya, parang speech ng validictorian sa college, so habang nagpapaliwanag sya ay unti unti ko nang dinidistansya ang sarili ko sa kanya at naglalaro sa isip ko ang mga gusto kong sabihin sa kanya… “two words manong kunduktor, two words lang… TOOTH BRUSH!”… pero wala akong lakas ng loob na sabihin ito sa kanya…

**

Narinig nyo ba sa radyo yung tungkol sa 25 anyos na lalaking nasagasaan ng bus sa kahabaan ng Commonwealth avenue? Ako rin eh, hinde, pero narinig ko lang sa dalawang babae na naguusap sa bus na narinig nila sa radyo yung balitang yun. Kahit na daw may karatula ng MMDA na “Walang Tawiran, Nakamamatay!” eh sige pa rin ang mga tao sa pag tawid… siguro hindi na epektib yung ganyang uri ng pananakot “lahat naman tayo mamamatay, una una lang yan” yung ang katwiran ng marami, kaya siguro kailangan na nilang baguhin yung sign nila, i-upgrade kumbaga… dapat siguro yung nakakatakot talaga na tipong kadidirihan ka parang ganun…

“WALANG TAWIRAN, NAKAKALUSLOS”

parang ganyan siguro…

“WALANG TAWIRAN, NAKAKAGALIS”

“WALANG TAWIRAN, NAKAKAHERPES”

“WALANG TAWIRAN, NAKAKAMENOPAUSE”

“WALANG TAWIRAN, NAKAKABAOG”

basta parang ganun siguro, ewan ko lang kung hindi pa katakutan yang ganyang warnings. Baka meron kayong suggestion na pwede nating ipadala kay Bayani Fernando… suggest na!