Kilala mo ba kung sino ako?!!

Di talaga maiiwasang maka-experience ka na may makasakay na lasing sa jeep, unless me kotse ka hindi mangyayari yun, ok lang sana kung yung tipong tahimik lang na lasing, pero yung maangas na lasing, yun yung iniiwasan ko. Pero mapagbiro talaga ang tadhana at pinagtagpo kami ng maangas na lasing kamakailan lang. Sumakay yung matabang lasing (think Ike Lozada in his prime) sa jeep na sinasakyan ko pauwi. Relax naman ang lahat bago sya sumakay, sinasabayan pa nga ng tatlong emo kids yung tugtog sa jeep na “Passenger Seat”, nasabi kong emo sila dahil all black sila kung manamit tapos may nakasulat pa sa shirt nila na ‘emo punk’ yung isa naman ‘my chemical romance’ at yung isa uhmmm ok ‘Rose Enterprise’ yung nakalagay sa shirt nya pero naka half slit naman yung bangs nya na natatakpan yung kalahati ng mukha nya kaya sa opinion ko e emo sila… daw, hindi ko lang alam kung ba’t kabisado nila yung lyrics ng “Passenger Seat”.

Going back, inaasahan kong uupo yung mamang lasing sa maluwag na side ng jeep kaya nagulat ako nung nagsumiksik syang tumabi sa akin, “Ano ka ba!?* hic” pasigaw nyang tanong, nagulat kaming lahat at napatingin sa kanya, pati yung mga pasahero sa kabilang jeep napatingin sa kanya, para makaiwas sa gulo at sa mabaho nyang hininga lumipat na lang ako sa kabilang side na upuan. “Nakita mo nang uupo yung tao hindi ka pa umurong! *hic Ano ba problema mo!?” pahabol pa nung mamang lasing, wag ko na lang daw patulan sabi nung matandang ale na katabi ko, naisip ko, sa laki ba naman nitong mama na to hindi ko talaga papatulan yan, kahit alam kong pag sinuntok ko sya sa ngalangala eh hindi na makakahabol sa akin yun sa kalasingan, pero he’s not worth it pa rin.

“Kilala mo ba kung sino ako ha!?” hindi pa rin ako tinitigilan nung lasing, sabay tawanan yung tatlong emo kids kaya sila naman ang napagdiskitahan, “kayo anong tinatawa-tawa nyo dyan!?” sigaw sa kanila nung lasing, “Kilala nyo ba kung sino ako?” napatahimik sila at yumuko na lang, may silbi pala yung bangs nila, pwedeng pantakip ng mukha pag natatakot. “Ikaw! KIlala mo ba ako!?” sigaw ng lasing sa driver na nakatingin sa side mirror nya sabay kamot sa ulo. Nangangamoy gulo na sa jeep, ini-scan ko ang jeep, ang pwede lang tumapat sa matabang lalaki na yun eh yung matabang lalaki rin sa dulo ng jeep (think Bomber Moran) yun eh kung magigising sya, dahil daig pa nya ang mantika kung matulog. Buti na lang at tumunog yung celfone ng lasing at nanahimik na sya kaka text mula nun… misis nya siguro yung nag text, whew!

Sa totoo lang lahat kami sa jeep eh ngayon lang ata sya nakita kaya malamang wala talagang nakakakilala sa kanya, nagtataka ako bakit tinanong nya ko kung kilala ko ba sya, dahil kung kilala ko sya malamang eh nagpalibre na ko sa kanya ng pamasahe, nakatuwaan ko tuloy na magisip ng mga pwedeng isagot sa mga ganitong katanungan, narito ang ilang halimbawa:

1. Maging open sa posibilidad na maaring gusto lang talaga nyang magpakilala kaya pwede mong sagutin ng maayos.